საინტერესო პროდუქტები, სტატიები და მიმოხილვები შოფინგ ბლოგზე

SHOP.USA2GEORGIA.com

USA2GEORGIA: შოფინგ ბლოგი

26.12.15

ფასდაკლებები ამაზონზე 70%-ს აღწევს

როგორც მოსალოდნელი იყო, წლის ბოლოს Amazon-მა გამოაცხადა მორიგი გრანდიოზული აქცია, 70%-მდე ფასდაკლებით.



ქალის ტანსაცმელი
მამაკაცის ტანსაცმელი
ბავშვის ტანსაცმელი
სხვა და სხვა ტანსაცმელი და აქსესუარი



24.11.15

5 საინტერესო საჩუქარი სადღესასწაულო დღეებში

წარმოგიდგენთ 5 საინტერესო საჩუქარს, როგორც დიდებისთვის ასევე პატარებისთვის.

სანთელი ერთ-ერთი საუკეთესო საშუალებაა მყუდრო გარემოს შესაქმნელად. 
გამჭვირვალე, თხევადი სანთელი სწორედ ასეთია. ის გამჭვირვალე ზეთში ტივტივებს და ერთი შევსებით 16 საათი ანთია. 

სანთელს მოყვება პარაფინის ზეთი, 0.5 ლიტრამდე, რომელიც კვამლის გარეშე იწვის.




სურვილისამებრ შეგიძლიათ ასევე შეიძინოთ სპეციალური ზეთის საღებავი, ზეთისთვის სხვადასხვა შეფერილობის მისაცემად.








2. კინეტიკური სილა


ეს უნიკალური მასალისგან დამზადებული შესანიშნავი გასართობი საშუალებაა თქვენი პატარებისთვის. 
ის ადვილად ინარჩუნებს ფორმას და თავის კონსისტენციით მოგაგონებთ ზღვის სილას, თუმცა მასში წყალი არ არის. 
კინეტიკური სილა არ ეკრობა ტანსაცმელს და ხელებს, ეკოლოგიურად სუფთაა და არ იფანტება წვრილ ნაწილებად. შეფუთვაშია 1კგ-მდე სილა.
არ დაგავიწყდეთ, სილაში თამაში ანვითარებს ბავშვის გონებას

OWI ეს არის კონსტრუქტორი რობოტი მზის ენერგიაზე რომელიც არ საჭიროებს ელემენტებს. კონსტრუქტორით შეგიძლიათ ააწყოთ სხვადასხვა საინტერესო და სახალისო რობოტი, მაგალითად რობოტი კუ, ხოჭო, რობოტი ნავი, რობოტი ძაღლი და ა.შ.
კონსტრუქტორი 8 წლიდან ბავშვებზეა გათვლილი.




4. ჩაფხუტი “განსხვავებული”

წარმოგიდგენთ სათამაშოს დიდებისთვის, ე.წ. “განსხვავებული”. 
კომპლექტი აწყობილია და მზად არის სუფრაზე ჩამოსატარებლად. საჭიროა მხოლოდ ღვინის ჩასხმა!
ბუნებრივია, ქართულ ტრადიციულ სუფრაზე ლუდის ქილების ნაცვლად მასზე ალბათ ღვინის ჭიქებს დაამაგრებთ და ხალისით მიირთმევთ გემრიელ ღვინოს. 
USA2GEORGIA სასიამოვნო დროსტარებას გისურვებთ.




5. მინი კომპიუტერი თქვენი ტელევიზორისთვის


მინი კომპიუტერი ტელევიზორისთვის - ეს უკვე რეალობაა. სულ რაღაც $130-ად თქვენ შეგიძლიათ შეიძინოთ სრულყოფილი კომპიუტერი Windows 8.1-ის ბაზაზე. უბრალოდ მიაერთეთ ის კომპიუტერის HDMI პორტზე და ჩართეთ ტელევიზორი.
კომპიუტერს გააჩნია 32გბ-იანი მყარი დისკი და Intel Quad-Core 1.33Ghz სიმძლავრის პროცესორი, რაც სრულიად საკმარისია როგორც საოფისე პროგრამების და ელ-ფოსტის გასახსნელად ასევე ფილმების საყურებლად საიტებზე adjaranet, imovies და ა.შ. 
კომპიუტერს გააჩნია WiFi, USB და Micro SD პორტები.
მისი ზომებია: 11 X 2.5 X 1.0 სმ, ხოლო წონა 115 გრამი.

დამატებით ასევე შეგიძლიათ შეიძინოთ უსადენო კლავიატურა მაუსით

30.4.15

ეზოს მოვლის საშუალებები

გაზაფხულზე სულ უფრო აქტუალური ხდება ეზოს მოვლის საშუალებები. გვინდა თქვენი ყურადღება შევაჩეროთ რამოდენიმე საინტერესო მოწყობილობაზე.

კომპანია Greenworks-ის ელექტრო ცელი

ეს არის კომპაქტური და მოსახერხებული ელექტრო ცელი (იგივე ბალახის სათიბი), რომელიც აკუმულატორზე მუშაობს და იწონის სულ რაღაც 2.5კგ-ს.

ელექტრო ცელით შეგიძლიათ მარტივად გაკრიჭოთ მინდორი, რთულად მისადგომი ადგილები ეზოში და შეალამაზოთ ბალახი ბილიკების გასწვრივ.
ელექტრო-ცელს კომპლექტში მოყვება 1 ცალი აკუმულატორი და დამტენი (მუშაობს 220 ვოლტზე).

ქარიშხალი და მტვერსასრუტი ერთად

კომპანია Greenworks-ის ძალზედ მოსახერხებელი და საინტერესო მოწყობილობაა - "ქარიშხალი" და ვაკუუმური შემწოვი. ეს არის ერთი მოწყობილობა, რომელიც მუშაობს ორივე რეჟიმში.

ქარიშხალი  - ანვითარებს წარმოუდგენელი სიმძლავრის "ქარიშხალს" რომელიც თქვენი ეზოდან მყისიერად მოგაშორებთ ფოთლებსა თუ გაკრეჭილ ბალახს ან მარტივად შეგაგროვებინებთ მათ ერთ ადგილას.

ვაკუუმური შემწოვი - ეს არის იგივე ძლიერი "მტვერსასრუტი" თქვენი ეზოსთვის. ის ძალზედ ეფექტურად იწოვს ეზოში დაყრილ ხმელ ფოთლებსა თუ ბალახს და მათ სპეციალურ ტომარაში აგროვებს.  (იხილეთ ვიდეო ამაზონის ბმულზე)

ყველაზე საინტერესო კი ის არის, რომ ეს მოწყობილობა იგივე აკუმულატორზე მუშაობს რაზეც ელექტრო ცელი. ამიტომ აკუმულატორის და დამტენის ყიდვა აღარ მოგიწევთ.

არსებობს Greenworks-ის სხვა მოწყობილობებიც, რომელიც იგივე აკუმულატორით და დამტენით მუშაობს, მაგ.: მინდვრის საკრეჭი, ტოტების შესაჭრელი, ელექტრო-ხერხი, ელექტრო კულტივატორი და სხვა... იხილეთ ბმული

სარეველების ამოსაძრობი

თუ თქვენ დაიღალეთ სარეველა ბალახებთან ბრძოლით, ეს ხელსაწყო თქვენთვისაა. კომპანია Fiscars-ის ეს კომპაქტური ხელსაწყო დაზოგავს თქვენს დროსა და ნერვებს, ხოლო სარეველებთან ბრძოლას სახალისოს გახდის. ის მარტივია და მისი გამოყენება 6 წლის ბავშვსაც კი შეუძლია. საჭიროა მხოლოდ სარეველა ბალახზე მისი ჩარჭობა და გადატრიალება,ხელსაწყო კი სარეველას ფესვიანა ამოგლეჯს.


14.4.15

ფიტნეს შოფინგი

საქართველოში სულ უფრო პოპულარული ხდება ფიტნესი, გაიხსნა ათეული სპორტ-დარბაზი, ჯანსაღი ცხოვრების წესის მიმდრევართა რაოდენობა დღითიდღე მატულობს და ბოლო პერიოდში ეს თემა უკვე მოდურიც კი გახდა.

ცნობილია, რომ დაძაბული სამუშაო დღის ბოლოს დარბაზში ან ბუნებაში ერთი საათი ვარჯით ორგანიზმს საუკეთესო განწყობილებას აჩუქებთ, თავიდან აიცილებთ ჭარბ წონას, მოშვებულ კუნთებს და რაოდენ გასაკვირიც არ უნდა იყოს, ვარჯიშიდან უფრო მხნე და ენერგიული გამოდიხართ.


ტანსაცმელი


გვინდა თქვენი ყურადღება შევაჩეროთ ე.წ. Dri-FIT ტექნოლოგიით დამზადებულ ტანსაცმელზე, რომელიც პირველად Nike-მა შეიმუშავა. ამ მატერიით დამზადებული ტანსაცმელი ადვილად იწოვს სისველეს და ინტენსიურად აორთქლებს მას ტანსაცმლის ზედაპირიდან სპეციალური მიკრო-ფორების დახმარებით. შესაბამისად კანი მშრალი გრჩებათ, რაც ერთი-ორად კომფორტულს ხდის ვარჯიშს.

იხილეთ ამ ტექნოლოგიით დამზადებული სხვადასხვა ტანსაცმელი, მათ შორის:
მაისურები , შორტები, წინდები და ა.შ.




ელექტრონული მოწყობილობები



ინტენსიური ვარჯიშისას განსაკუთრებით კომფორტული იქნება ბლუტუს ყურსასმენი. ის მარტივად უერთდება ნებისმიერ ტელეფონს  და საშუალებას მოგცემთ მოუსმინოთ მუსიკას ვარჯიშისას. ყურსასმენი იტენება USB-ზე, იწონის სულ რაღაც 50 გრამს და უზრუნველყოფს მრავალსაათიან უწყვეტ მუშაობას.

საკმაო პოპულარობით სარგებლობს ე.წ. ფიტნეს "თრექერები", იგივე- ფიტნეს აქტივობების აღმრიცხველი მოწყობილობები.  მაგ.: Fitbit მაჯაზე გასაკეთებელი მოწყობილობა. ეს მოწყობილობა დაგითვლით ნაბიჯებს, გავლილ მანძილს, კალორიებს, ასევე ნახავთ თუ რამდენი საათი გეძინათ, ხოლო მაღვიძარა ვიბრაციით გაგაღვიძებთ სასურველ დროს, ისე, რომ სხვა არ შეაწუხოთ. მოწყობილობა უკავშირდება სმარტფონს და მარტივი აპლიკაციით ხდება მისგან ინფორმაციის წაკითხვა. არსებობს ამ მოწყობილობის სხვადასხვა მოდიფიკაციები, პულსის გაზომვის ოფციით და სხვა... სურვილის მიხედვით შეგიძლიათ თავად შეარჩიოთ სასურველი მოდელი.


ასევე, არ დაივიწყოთ, რომ ვარჯიშისას ძალზედ მნიშვნელოვანია სითხის ინტენსიური მიღება. ინსტრუქტორთან ერთად შეგიძლიათ შეარჩიოთ სასურველი ამინო-მჟავების თუ პროტეინების კოქტეილები ან სულაც დალიოთ უბრალო წყალი, რისთვისაც ლამაზი და მოსახერხებელი "ბლენდერი" გამოგადგებათ.

გისურვებთ ჯამრთელობას!

13.4.15

შემეცნებითი სათამაშოები თქვენი პატარებისთვის

გვინდა თქვენი ყურადღება შევაჩეროთ სათამაშოების მწარმოებელ კომპანია Elenco-ზე, რომელიც როგორც პატარებს, ასევე მოზარდებს ძალზედ საინტერესო საგანმანათლებლო სათამაშოებს სთავაზობს.

ასაწყობი ელექტო კონსტრუქტორი

ეს არის კონსტრუქტურის ტიპის ასაწყობი სათამაშო, რომელიც საშუალებას გაძლევთ მარტივად ააწყოთ სხვადასხვა სირთულის ელექტრონული სქემები, მაგ.: FM რადიო, სიგნალიზაცია, კარების ზარი, ხმის ჩამწერი და სხვა მრავალი. სათამაშოს მოყვება ინსტრუქცია 750-მდე მსგავსი ელექტრო სქემის.

სათამაშო კონსტრუქტორში 80-მდე სხვადასხვა დეტალია, რომლებიც ერთმანეთში მარტივად ჯდება და ის განკუთვნილია 8 წლის ზევით ბავშვებზე.


ასაწყობი პულტიანი მანქანა

ეს არის კონსტრუქტორი მანქანა, რომელიც იმართება პულტით, ანათებს, გამოსცემს სხვადასხვა ხმოვან სიგნალებს და მოძრაობს ოთხივე მიმართულებით. კონსტრუქტორი 30 ნაწილისგან შედგება რომელთა დახმარებით დამატებით კიდევ 23 სხვა სქემის აწყობა შეიძლება, მაგ.: მორზეს ანბანის გენერატორი, ელექტრო გენერატორი, წყლის სენსორი და სხვა.

ასევე, იხილეთ Elenco-ს სხვა სათამაშოები Amazon-ზე.

15.12.10

იაფი და მრავალფეროვანი aliexpress.com

პოპულარული Alibaba.com -ის ბრენდი, საცალო ვაჭრობისთვის.
შემდეგი ონლაინ მაღაზია, რომელსაც გაგაცნობთ, არის http://www.aliexpress.com
ეს მაღაზია ნამდვილად ვერ დაიკვეხნის ორიგინალი ბრენდების სიმრავლით, თუმცა ფასებიც შესაბამისია და არაორიგინალ პროდუქტში არც ისე ძვირს ითხოვენ. საიტი მოხმარების მხრივ ძალიან ადვილია იმიტომ, რომ მაქსიმალურად გაადვილებულია ძებნის ფუნქცია. მაგალითად, თუ თქვენ ეძებთ მობილურ ტელეფონს, შეგიძლიათ მიუთითოთ ყველანაირი ტექნიკური შესაძლებლობის პარამეტრი და ისიც კი, რა ფასების ფარგლებში გაინტერესებთ.

28.11.10

ონლაინ მაღაზიების მიმოხილვა - forever21.com, urbanog.com

ონლაინ მაღაზიებიდან, რამდენიმე განსაკუთრებულ ყურადღებას იმსახურებს. ვეცდებით დროდადრო მოგაწოდოთ ინფორმაცია სხვადასხვა მაღაზიების შესახებ. ამ პოსტში კი ორ მათგანს შევეხებით, რომლებიც ძირითადად ტანისამოსზე კონცენტრირდებიან.

http://www.forever21.com/

forever21 საქართველოში ერთ-ერთი ყველაზე ცნობილი მაღაზიაა და ხშირად სარგებლობენ ქართველი მომხმარებლები. ფასები საკმაოდ დაბალია, რაც ხარისხზე არ აისახება და ყოველთვის გამძლეობით გამოირჩევა მათი პროდუქტი.